توضيح فكرة الشركات

ممكن نوضح فكرة عمل الموقع بمثال بسيط

- عندنا موقع وسيط ( موقع الربح ) وعندنا صاحب موقع نفسه يعلن عن موقعه او منتجه ونفسه يجيله زوار بعدد كبير وفى وقت قليل
- وعندنا مثلا 100 شخص مشترك فى الموقع الوسيط ( موقع الربح )
صاحب الموقع الوسيط يقول لصاحب الموقع العادى تدينى 2 دولار ويجيلك 100 زائر لموقعك فى الحال ( معلش اصله عفريت )
صاحب الموقع يقوله يا ريت ، يا عم ده الموقع لا بيهش ولا بينش ، المهم الراجل هيدفع ال 2 دولار لصاحب الموقع الوسيط ، والموقع الوسيط هيخلى ال 100 شخص يدخلوا على الموقع اللى صاحبه دفع الفلوس .

- انت تقولى : يا سلام ايه البساطة دى يا نبيه افندى ، واصلا ايه اللى هيخلى 100 شخص يدخلوا على الموقع اللى لا بيهش ولا بينش ده ؟
ارد عليك انا واقولك : السبب ان صاحب الموقع الوسيط هيقسم الفلوس اللى اخدها منه مع ال 100 شخص دول ، ومين هما ال 100 شخص دول ، ناس بيتفسحوا فى النت ، وانا و انت اتنين منهم .

وبكده تبقى النتيجة :

1- موقع دخل عليه 100 زائر بسرعة وبسعر بسيط
2 - موقع وسيط كسب فلوس
3 - زوار كسبوا فلوس

احنا بقه سيادتك زى ما قولتلك هنبقى الزوار لكل موقع لمدة 30 ثانية بس
وتقول انت فى سرك : انت كنت فين يا نبيه افندى من زمان .

اقولك برده فى سرى : انا كنت زيك مش عارف ان فى حاجه زى كده بس عرفت ومفوتش الفرصة وكسبت ومازلت بكسب الحمد لله .